早幾日重溫哥哥生前嘅MV Stand Up，响留言個度見到有人話原來嗰度係上環嘅磅巷。嘩！三十幾年後睇返，原來認唔到嗰度係磅巷。

磅巷係上環一條有百幾年歷史嘅街道，個名就係由英文名Pound Lane直譯過嚟。不過咁，呢個名就同重量嘅磅完全無關。話說响英國管治香港島初期，上環一帶成為最早開發嘅地區。而當時英國軍人就响依家磅巷附近起咗好多養牛羊嘅地方，仲用木圍欄防止呢啲牲畜走失，而呢啲圍欄就係Pound，所以呢個地方就被稱為Pound Lane。不過後嚟啲師爺譯中文地名時，就按Pound 為磅呢個意思去譯，就成為咗磅巷喇！

原圖：Stand Up MV截圖