繼續同史友們介紹世界各地嘅重大考古發現,青銅像喺世界各地唔同地方都曾經被發現過,但如果誇張到號稱可以改變一個國家嘅歷史,唔知史友們又有冇聽過呢?
近日意大利文化部就公布,喺首都羅馬以北約161公里嘅聖卡夏諾德伊巴尼(San Casciano dei Bagni)發現到保存狀況相當完整嘅伊特拉斯坎人(Etruscan)雕像。成批雕像合共有二十幾個,相關嘅歷史仲可以追溯到2000幾年前。據意大利文化部指出,呢啲雕像係代表被眾神,當中就有太陽神阿波羅與健康女神希吉亞(Hygieia)等等,對古伊特拉斯坎人具有重要意義。
綜合晒所有相關發現以及過往歷史,考古團隊就認為呢次嘅發現唔單止係一次古地中海史上最重要嘅青銅器發現,而且伊特拉斯坎人雕像嘅材質由赤陶土轉用青銅亦都係反映緊伊特拉斯坎人當時正被同化到羅馬社會,有可能改寫由意大利過渡到羅馬帝國期間嘅歷史。
原圖嚟自網絡