記得幾年前有報紙做咗個追蹤報道,話响新界某條村有村民聽到獸叫,甚至有人懷疑係老虎出沒。今時今日可能史友們覺得香港有野獸出沒好不可思議,但其實以前香港真係有野獸出沒,甚至有地方名因而得嚟。
好似西貢有一個地方,就叫做狐狸叫。呢個地方係位於西貢蚺蛇尖對出。至於點解有個咁嘅名呢?相傳以住响附近嘅客家人,不時聽到獸叫,佢就誤以為係狐狸叫嘅聲音,於是就叫獸叫來源之地為狐狸叫。不過,後嚟就有人認為呢個應該係一個誤會,因為呢個地方出現多數係山貓、鼬、獾等動物出沒。
除咗狐狸叫,香港仲有啲地方都係同動物有關,好似馬鞍山有個地方叫老鼠田,相傳就真係因為好多老鼠出沒而得名。
原圖嚟自網絡