繼續同史友們介紹一啲後宮當中嘅小知識,要知道為咗保護古代皇宮嘅血統,所有入宮嘅男性下人都必須進行閹割,所以就有世上最悲慘嘅職業「太監」出現喇!
之不過唔知史友們又知唔知,其實古代太監總係喺腰間纏住一條毛巾,到底當中有咩原因呢?其實由於古代嘅醫療科技技術都好低,經過閹割後嘅太監存活率都唔會太高,就算可以僥倖捱得過,都會有各種嘅後遺症出現,例如尿道受損、失禁等等問題,而且年紀愈大,問題就會愈嚴重。
而為咗可以即時應對,大部分太監都會喺腰間纏住一條毛巾,以防呢啲突發情況出現之時可以即時進行擦拭,避免驚動皇族。所以古代太監腰間總係有條毛巾,都係一件幾悲情嘅事。
原圖嚟自網絡