喺中國歷史上，如果叫史友們講出一個軍事實力比較弱嘅皇朝，可能唔少史友們都諗起「重文輕武」嘅宋朝，但事實上宋朝可能唔係大家想像中咁弱，甚至仲有曾經世上最犀利嘅武器，阿史今次就同大家講一講啦！
其實如果由統計上嚟講，宋朝大大小小嘅對外戰役勝率甚至比唐朝仲要高，喺小規模擊潰戰、防禦戰當中，宋軍都可以做到不動如山。之不過，呢啲都係小規模嘅戰役，一旦遇上大型嘅戰爭，宋軍就會出現傷亡慘重嘅情況。
咁問題嚟喇，到底宋軍係咪真係咁弱，軍事水準又係咪咁差呢？雖然話呢個時期係「重文輕武」，但文官其實都知兵。喺中國歷史上，宋軍基本上唔會抑制商業，所以造船、火器等等嘅工廠不斷出現，三弓床弩、鐵菱角、蒺藜火球都係宋朝嘅產物。而且，宋代禁軍武器裝備配備有鎧甲、弩箭、斬馬刀等等，總價200貫以上，真係相當豪華！
原圖嚟自網絡