古代人類到底幾時識得用火？我國就有「燧人氏」發明鑽木取火嘅傳說，而按目前嘅考古發現睇嚟就應該係17萬年前。之不過，近日嘅一項新發現可能就會改寫到呢項紀錄，阿史今次就同大家講一講啦！
近日喺以色列科學家就喺一個「雅各布女兒之橋」( Gesher Benot Ya'aqov ,GBY)考古遺址入面發現到大量魚齒殘骸以及魚肉嘅遺存。經過研究同化驗之後，呢啲魚齒魚肉遺存其實就出現咗變質嘅情況，亦即係經過高溫之下魚齒有琺瑯質晶體膨脹嘅情況出現，而且經過琺瑯質晶體大小仲推斷到佢哋所受過嘅溫度。據專家分析，呢啲魚齒所受嘅溫度係500度以下，呢項重要數據亦都表明呢啲魚當時唔係被直接火燒，而係經過烹煮。
呢次新發現唔單止令到我哋得知淡水魚喺早期就已經成為人類嘅重要食物來源，而且仲可以得知早喺80萬年前人類就已經可以控製到火源並且進行煮食。
原圖嚟自網絡