近日二十國集團（G20）峰會响印尼舉行，堪稱舉世矚目，我哋仲見到中國同印尼關係愈來愈密切。其實，如果史友們响以前讀過中史科嘅交通史，都知道古代中國同東南亞關係就已經好密切，好多華人响唔同時期去咗東南亞各地落地生根，其中一個地方就係印尼。講到印尼，早到明朝嘅鄭和就對呢個地方有好大影響，講緊嘅宗教方面。
今時今日印尼人大部分都係信奉伊斯蘭教，而普遍嘅都話伊斯蘭教响印尼興盛係同鄭和有關。伊斯蘭教响印尼興起係十五世紀開始，之前當地人信奉嘅主要係印度教同佛教。後嚟鄭和七下西洋，作為一名虔誠穆斯林嘅佢，七下西洋期間不忘傳播伊斯蘭教，其中一次下西洋期間，就响今日爪哇嘅三寶壟搵咗一個山洞，作禮拜場所，呢個地方後嚟就發展成著名宗教場所三保洞。而唔少印尼人都認為，就係因為鄭和响當地「傳教」，伊斯蘭教就响爪哇同蘇門答臘興起。
評論：
共0 條評論