國家主席習近平日前响會見新西蘭總理阿德恩時指出,50年來中新兩國關係保持健康穩定發展,中方視新西蘭為重要夥伴同朋友。期間更提到要傳承好、發展好「路易·艾黎精神」。
路易·艾黎係新西蘭人,而佢亦係中國著名嘅國際友人,佢一生同中國結緣,亦响中國最艱難時期幫助中國人捱過困境。佢响上世紀二十年代去到中國,响上海接觸到當時嘅中國共產黨黨員,後嚟眼看國民黨統治得愈嚟愈差,佢漸漸同中國共產黨走得好近,為佢哋做咗唔少工作,包括响屋企設秘密電台,同長征途中嘅紅軍建立通信聯繫。
到咗抗戰期間,宋慶齡於1939年响香港發起中國工合國際委員會(工合國際),支援中國人民抗日,路易‧艾黎亦係工合國際創始人之一,工合國際從美國、英國、加拿大、新西蘭、菲律賓、新加坡等多個國家籌集到捐款同捐贈物資價值上千萬美元,為支援抗戰以及工合運動作出咗重要貢獻,曾受到毛澤東、周恩來、葉挺等中國共產黨領導人嘅高度讚揚。
除咗支援抗日工作,艾黎亦响抗戰期間喺西北地區辦學。1942年佢創辦咗培黎工藝學校,提出「手腦並用,創造分析」辦學宗旨,培養出大批實用技術人才。培黎意思就係「為中國的黎明而培訓」,佢本人希望這所學校能為中國革命培養急需技術人才。艾黎將學生們稱為「迎接黎明的人」,勉勵他們為新中國奮鬥。
响1949年新中國成立後,艾黎筆耕不輟,致力於增進世界對中國嘅了解。至於有乜嘢有趣故事呢?下回分解。
原圖嚟自網絡