繼續同史友們介紹我國博物館嘅最新動態，近日位於杭州嘅南宋德壽宮遺址博物館經歷兩年嘅建設之後，就終於喺日前建成開館。咁到底呢座遺址博物館有咩睇頭？阿史今次就同大家講一講啦！
位於杭州市上城區嘅南宋德壽宮遺址博物館總用地面積約2.1萬平方米，而展示遺址面積嘅部分就達到4000幾平方米，真係相當誇張。德壽宮喺南宋時期其實係專門修建嚟畀太上皇居住，宋高宗和宋孝宗都曾經以太上皇身份居住在內。全盛時期嘅德壽宮劃分為四大區域，佈置四季景觀，宮內房間仲達到270幾間，真係可以話係一個頂級嘅皇家園林。之不過，南宋喺晚期逐漸衰落，呢座宮殿亦都成為遺址深埋喺3米嘅地底下。
經過2000年至2020年多次嘅考古發掘之下，當局就決定將呢個遺址建成博物館，史友們假如有機會嚟去到參觀，同場仲會有好多專題展區、3D互動裝置、數字投影、南宋宮廷生活場景等精彩部分，阿史真係相當期待！
原圖嚟自網絡