提到歷史上最令人膽戰心驚嘅軍隊，蒙古騎兵絕對係當中數一數二。當年喺成吉思汗領導之下，蒙古鐵騎威震八方，甚至仲可以做到橫跨歐亞大陸。咁到底點解一支喺北方草原嘅軍隊，冇豐富資源支持之下又可以有咁強大嘅戰力？阿史今次就同大家講一講啦！
首先，就必定係同強大嘅征服欲望有關。正正因為蒙古人喺艱辛嘅環境之下長大，為咗令到族人生活變得更好，所以大部分嘅人都想對外征服。有咗呢種征服欲望，蒙古嘅軍隊有極強嘅紀律以及服從，對首領亦都有強烈嘅忠誠。再加上自小就喺極端嘅環境長大，喺變幻莫測嘅戰場上，自然就比養尊處優嘅西方貴族騎兵優勝。
而且，雖然蒙古騎兵畀人嘅印象就好似橫衝直撞咁，但其實佢哋係會根據敵人防禦工事、地形進行前期偵測，並且相互會進行分進合擊、包抄迂迴等戰術，再配合耐力十足、適應能力強嘅蒙古馬，喺歐亞大陸就真係可以做到大殺四方。
原圖嚟自網絡