如果年紀有返咁上下嘅史友，都應該睇過廿幾三十年前大台個套《大運河》，响入面飾演隋煬帝嘅吳啟華，就話高麗呢個國家唔尊重佢大隋，決定出征高麗。當然！佢出兵嗰個國家就唔係叫高麗（之後另寫文章介紹），另外佢攻打嘅國家，佢阿爸做皇帝時已經出過兵。
响南北朝末期，當時响依家中國東北地區以及朝鮮半島存在百濟、新羅、高句麗等政權，而呢啲小國大多臣服中原政權。响隋代建立之初，高句麗為咗消滅其他小國就繼續採取對隋朝臣服嘅政策，但隨着隋朝國力漸大，高句麗逐漸感到恐懼，於是採取聯合其它國家對隋進行侵襲。响開皇十年，即公元598年，高句麗王率靺鞨騎兵萬餘進攻遼西，但就被擊退。事後隋文帝就派大軍30萬，分水陸兩路進攻高句麗。之不過，隋文肯呢次出兵就因道路同天氣嘅原因，糧草供應唔到去前線，加上遭遇疾病，結果隋軍死咗八九成士兵。而同時高句麗王又懾於隋國威，於是就遣使謝罪，隋文帝見到咁嘅情況於是決定罷兵。
原圖：《大運河》劇照