繼續同史友們介紹我國最新嘅考古發現，早喺上世紀六十年代我國就已經對山西太原西南的晉源區晉陽古城遺址展開考古發掘，而呢個被列為國家規劃「十一五」至「十四五」當中重點保護嘅大遺址，近日就有最新嘅考古發現可以同大家分享。
近日山西省考古研究院就公布咗太原晉陽古城二號建築基址發掘報告，喺呢個面積約20平方公里嘅遺址當中，考古團隊就展開咗探溝式發掘調查，唔單止喺北城牆350米，西距西城牆960米至1100米之間發現一處大型建築基址「二號建築基址」，而且喺六年嘅發掘工作當中仲完整地揭露該建築基址竟然係唐五代時期面積最大寺院。
據考古團隊指出，呢個二號建築基址主要包括四處殿址、五處廊廡、三處庭院、一處碑廊、一處龜頭屋以及一處門址等，當中出土大量精日用瓷器、精緻石雕建築構件，係目前揭露面積最大、最為完整的寺院基址，對研究晉陽古城城市布局具有重大意義。
原圖嚟自網絡