早幾日就同史友們講到古代太監嘅退休生活，雖然太監大半生都係喺宮中過最艱難嘅生活，但偏偏太監呢個群體嘅壽命都係比一般人長，到底當中有咩原因呢？阿史今次就同大家講一講啦！
根據早年韓國仁荷大學閔慶京教授以及高麗大學李哲具教授所做嘅一份有太監壽命嘅研究報告指出，喺調查到嘅81名太監當中，假如成個閹割手術成功並且冇後遺症，正常嘅太監壽命係會比普通人多出14到19年，而其實仲有3人嘅壽命去到100歲以上。
會有呢個結果並唔係偶然，喺研究報告當中就指出係同「睪固酮」。雖然睪固酮可以令到男性身體強壯，但如果青春期晚期睪固酮激增，反而會令到人嘅死亡率大幅上升。所以，喺青春期之時就已經被閹割嘅太監自然就冇咗呢方面嘅問題，真係唔知算唔算「因禍得福」喇！
原圖嚟自網絡