喺日前政府就宣佈經過活化後嘅虎豹樂圃受到疫情以及各方因素影響,提早於年底12月1日正式停運。作為虎豹樂圃嘅運作場地,86年歷史虎豹別墅亦都會同日交還畀政府。
位於大坑道15號A嘅虎豹別墅係喺1936年由華僑商人胡文虎耗資1,600萬港元為胡氏家族興建,並且以胡文虎、胡文豹兄弟二人之名命名為「虎豹別墅」。喺早年嘅香港,其實並冇一個可以畀華人使用嘅遊樂場,但胡文虎為咗改善呢種歧視狀態、推廣中華民族嘅文化,就親力親為設計咗「萬金油花園」並且免費開放畀香港市民,就係咁成為幾代香港人嘅重要集體回憶。
可惜嘅係,胡文虎1954年病逝後,後人陸續將地段出售,原本最具標誌性嘅大型浮雕「十八層地獄」及修羅惡鬼雕塑都一一被拆卸,僅存嘅主樓就被評為一級歷史建築,其後由胡文虎慈善基金活化為虎豹樂圃,推廣音樂文化。呢次停運過後,到底虎豹別墅幾時再等公眾開放,真係需要拭目以待!
原圖嚟自網絡