南京大屠殺對我國所有國民而言都係沉重而又唔應該忘記嘅歷史,截止目前為止,當年受害嘅中國國民都得唔到日本嘅道歉以及賠償,為咗令到大家可以「銘記歷史勇毅前行」,今日就有八本南京大屠殺史系列新書喺南京發布。
今日喺侵華日軍南京大屠殺遇難同胞紀念館就舉行咗「銘記歷史 勇毅前行——2022年系列圖書發佈會,隨住近二十年間好多南京大屠殺新史料面世,亦都令到學者們有更多豐富嘅第一手史料還原當時嘅歷史。喺今次出版嘅書籍當中,就有第一本系統全面研究南京安全區嘅學術專著《南京大屠殺國際安全區研究》、論述侵華日軍喺南京大屠殺暴行中點樣嚴重侵害中國人民以及其他國家權益嘅《侵害與交涉:日軍南京暴行中的第三國權益》以及以多國語出版嘅《南京大屠殺史》。
呢啲重要書籍嘅存在唔單止係為咗向海外傳播南京大屠殺歷史真相,更重要嘅係提醒我哋銘記歷史、守護和平,絕對值得大家細閱!
原圖嚟自網絡