近日天氣凍凍哋,响街上就見到唔少炒栗子嘅小販出沒。炒栗子果然香噴噴,不過阿史就鍾意鹽焗鵪鶉蛋多啲。後尾睇返資料,原來依家嘅鹽焗鵪鶉蛋本身個製法唔係咁。
鹽焗鵪鶉蛋相傳係陝西一帶嘅風味名吃,係後嚟先傳到廣東一帶。相傳陝西當地人响岩窟中開鑿出一個區域用嚟煮飯,而鹽焗鵪鶉蛋就係當地人將鵪鶉蛋放入岩窟度到焗熟。後嚟呢種小食傳至各地,但其他地方根本無條件做到岩窟,於是就製作用鹽搭建嘅焗窯去焗鵪鶉蛋。而去到廣東個陣,因連做鹽窯都有困難,於是就以類似鹽焗雞嘅做法,製成鹽焗鵪鶉蛋。呢個做法出現其中一個原因,係因為廣東近海,海鹽供應充足。