1937年12月13日，日軍攻陷南京，南京保衛戰就以中國軍隊戰敗告終。作為當時嘅首都都失陷埋，咁國民政府最高指揮蔣介石又有乜嘢反應呢？
响12月13日，即係南京淪陷後，蔣介石响江西九江向全國發出通電《宣言》，表達對南京失陷但抗戰決心不動搖嘅堅定鬥志：「國軍退出南京，絕不致影響我政府始終一貫抵抗日本侵略原定之國策，其唯一意義，實只有更加強全國一致繼續抗戰之決心。」响個陣，蔣介石已經放棄同日本和談，仲响武漢設立抗戰指揮中心商討抗戰應對之策。响12月17日，蔣介石發表咗《我軍退出南京告國民書》，聲稱：「中正受命黨國，有進無退，當此存亡呼吸之際，願與吾同胞共勉之！」後嚟外國傳媒報道咗日軍响南京進行大屠殺，蔣介石要到1月22日先响日記中寫低相關記錄：「倭寇在京之殘殺與奸淫未已，似此獸類暴行，彼固自速其亡，而我同胞之痛苦極矣！」似乎南京淪陷同日軍所作暴行，對蔣介石打擊都相當大。
原圖嚟自網絡