最近天氣又凍返，熱慣暖慣嘅香港人都叫晒救命，又濕又凍嘅天氣連一啲居港嘅北方人以及外國人都話好難頂。
位於中國南部嘅廣東省，氣候較為溫暖，冬天時都唔會出現大雪天氣。不過，响冬天時廣東省都有啲地方會見到落雪。响廣東省北部地區，每年冬天會出現落雪天氣，好似粵北地方嘅連山、連州、乳源瑤族自治縣等地，當中連山金子山更有廣東「玉龍雪山」之稱。不過，廣東省內即使見到雪，同北方出現嘅雪就有啲唔同，嚴格嚟講廣東落嘅叫「霰」，多為球粒狀或近圓錐狀，而北方落嘅雪基本形態為六角板狀，呢個係同空中水份遇冷結冰過程中，不同溫度同濕度影響下而出現咗唔同冰晶形態。
原圖嚟自網絡