近日侵華日軍南京大屠殺遇難同胞紀念館又傳來一則令人傷感嘅消息,,南京大屠殺倖存者袁桂龍於2022年12月28日淩晨去世,享年88歲。佢嘅離世亦都意味住,南京侵華日軍受害者援助協會登記在冊在世的倖存者僅存51位。
出生喺1934年4月22日南京嘅袁桂龍,喺1937年南京淪陷後,佢嘅爸爸以及伯父都被日軍殺害,而佢家中嘅瓦屋、草屋十幾間都被一一燒燬。據袁桂龍回憶,當時佢爸爸袁德福被日軍壓到王莊村,並且以繩綁喺大樹下。當時獸性大發嘅日軍就排成隊,輪流將刺刀插入袁德福嘅身體,最終袁德福都係悲慘地死去。至於伯父袁德宏亦係被日軍殺害,甚至連屍身都搵唔返。失去兩個兒子嘅老人家亦都臥病在床,先後離去人世。
喺失去咁多親人之後,袁桂龍就選擇成為一名人民教師,喺38年嘅教學經歷中,佢認真教導學生歷史,最大嘅願望就係希望國家強盛,後代牢記歷史。
原圖嚟自網絡