就喺剛才,被譽為世界史上最偉大足球員之一嘅巴西足球傳奇比利就因病逝,享年82歲。
就喺早前,比利就已經傳出健康轉差,喺2021年就更加被發現患有結腸腫瘤,喺各方面治療都無效之下,最終就只能喺病房度過。呢位出生喺1940年嘅球王,父親曾經係足球員,出生清貧嘅佢兒時就係喺街頭上同朋友學習足球,喺15歲之齡就加入山度士,喺1958年就已經幫助球隊取得州聯賽冠軍。
喺1958年嘅世界盃,呢位球王就喺分組賽最後一場對蘇聯上陣,係當時世上最年輕嘅世界盃球員,喺八強戰幫助巴西晉級,喺準決賽以帽子戲法戰勝法國、並且於決賽梅開二度取得冠軍。巴利就係咁樣出道早、成名快,喺接下嚟嘅日子稱霸球壇,1962年智利世界盃同1970年墨西哥世界盃,佢再以球員身份高舉冠軍獎盃,成就了至今仍然未有任何球員能同佢睇齊嘅成就。佢嘅「森巴足球」絕對係世界各地萬千球迷嘅重要回憶,成為世界公認嘅球王。
原圖嚟自網絡