繼續同史友們介紹我國最新嘅考古發現，據中央廣播電視總台發布2022年度國內十大考古新聞，山西興縣碧村遺址就入選其中。到底呢個遺址有咩咁特別？阿史今次就同大家講一講啦！
其實早喺今年9月，山西省考古研究院就公佈咗呢個遺址嘅最新考古成果，當中就表明經過考古發掘以及研究後，就發現山西碧村遺址外城門具有明顯防禦性質，呢一點亦都令到考古學家認為呢個龍山時代大型石城聚落理應就係黃河畔一座關口城市。
而睇返遺址本身，考古專家清理出嚟嘅遺址東門址本身就已經係我國目前發現史前時期保存較為完整、結構最為嚴密、形制最為規整嘅門址系統，唔單止有助瞭解當時4000年前石城防禦體系、認識中國史前及先秦城門佈局，甚至仲有助研究中華早期文明交流互鑒以及展現以中原為中心歷史嘅發展趨勢，真係亮點處處！
原圖嚟自網絡