今日係元旦，相信史友們都會趁假期休息或者出去玩。過到元旦，大家可能會好自然諗起每年嘅一月一日。「元」係表示最初，「旦」就係太陽升上地平線嘅一刻，即一日晨光初現之時，一日嘅開始，因此「元旦」就係一年之始。但其實响中國古代元旦呢個日子就未必係固定，現今大家對元旦呢個概念同古代人係有啲唔同。應該咁講，一年之始呢個概念係一樣，不過因為曆法應用關係而有所唔同。响古時元旦其實係指農曆正月初一，呢個計法係以農曆為本，係漢武帝時期開始所採用。而响漢代之前，「元旦」之日就有所唔同，好似商朝就係十二月初一，周朝就係十一月初一，秦朝就係十月初一。至於「元旦」由農曆轉為新曆呢個做法，就係民國時期孫中山先生所提倡；「從西曆，所以便統計。」由於民國時期開始政庲以西曆（新曆）為準，於是元旦就變成一月一日。中華人民共和國於1949年成立後使用「公元紀年法」，令元旦日維持响1月1日當日。

原圖嚟自網絡