如果講到史上最鍾意打仗嘅皇帝，可能唔少史友都會諗起統一七國嘅秦始皇又或者「十全武功」嘅乾隆皇帝，之不過呢兩位皇帝可能都唔夠以下呢位咁好戰！阿史今次就同大家介紹一下漢武帝啦！
漢武帝劉徹係西漢第七位皇帝，16歲登基嘅佢在位時間長達54年，其實佢正式嘅諡號為「孝武皇帝」，但後世就會省略「孝」字稱佢為「漢武帝」。咁到底佢有幾好戰呢？喺佢在位嘅54年間，有接近43年嘅時間都係對外征戰，而且當時西漢係極為強大，疆域面積比漢高祖建國時大咗足足一倍。
漢武帝係史上令國家戰爭最長嘅皇帝，佢一方面鞏固秦朝已有土地，另一方面亦都對北方疆域進行開拓、對匈奴宣戰，令到漢朝疆域擴展到河西走廊、湟水流域，打開西域大門。作為一位帝皇，有史學家就認為佢係窮兵黷武，亦都有人認為佢係勇猛剛毅，為中國後世疆域奠定基礎，唔知史友們又點睇呢？
原圖嚟自網絡