相信唔少史友由細到大都會聽過一句說話，就係「讀多啲書識字先可以搵到錢」，雖然長大之後呢件事唔係必然，但近日喺河南安陽，只要大家可以認出一隻字，就好有機會可以獲得十萬獎金。到底係咩活動咁「荀」？阿史今次就同大家講一講啦！
近日河南安陽市就舉行咗甲骨文研究與傳承工作新聞發布會，目的就係為咗鼓勵市民可以參與甲骨文研究。要知道甲骨文係現代文字嘅起源，但由於年代久遠，唔少字嘅傳承都中斷，令到呢啲甲骨文難以被破釋。據中國文字博物館副館長魏文萃介紹，目前有4500多甲骨文單字，但得到已釋讀嘅就只有1600個，換言之仲有好多字係需要解讀。
為咗可以發揮甲骨文研究喺中華文明探源工程中嘅積極作用，中國文字博物館就長期徵集甲骨文釋讀優秀成果，只要民眾可以成功釋讀甲骨文而又經過專家委員會鑑定，單字最高可以獲得十萬元獎勵，而喺2016年10月至2019年10月間就有兩位大學生成功破釋而獲獎，真係犀利！
原圖嚟自網絡