响以往一段時間,港島半山區曾經係洋人專屬住宅區,到後嚟就放寬俾華人居住。其實响百幾年前,半山就曾經出現過一間酒店,專門接待外國賓客,呢間酒店個名叫金斯可萊爾酒店。
金斯可萊爾酒店原名為皇座樓,係十九世紀猶太裔商人庇理羅士所建。呢座豪宅樓高四樓,揉合印度清真寺同拜占庭式建築風格,响當時港島半山地區絕對係巨無霸級建築。不過庇理羅士就無响呢幢豪宅住過就離世,响1906年,庇理羅士家族就將大宅改造成酒店,專門接待外國客人。
到咗後嚟,由於香港响第一次世界大戰之後經濟出現不景氣,庇理羅士家族就响1923年將金斯克萊爾酒店賣俾由東亞銀行創辦人之一嘅李冠春、李子方等人組成嘅華人財團,酒店亦於1924年開始清拆,隨後原址分成唔同地段興建住宅,呢間响半山出現嘅大酒店都可以話幾短命。
原圖嚟自網絡