繼續同史友們探討一啲有趣嘅歷史謎題,相信唔少史友都必定聽過周幽王「烽火戲諸侯」最終招致犬戎進攻西周亡國嘅故事。呢件事蹟甚至仲被記載喺《史記·周本紀》,似乎真實性十足,但到底呢件事又係咪真係發生過呢?
關於「烽火戲諸侯」嘅故事,其實最早就取材自《呂氏春秋》,《呂氏春秋》其實就只係收錄各家學說嘅一本書,而要作為史料使用就唔算太嚴謹。由真實歷史出發,其實喺西周時期,周天子甚少修築長城以及烽火台,反而係春秋戰國各諸侯國先至流行做呢件事,之不過所謂嘅「烽火台」其實效用亦都只係有限於鄰近嘅地方。
而更重要係,周幽王所在嘅鎬京城外並無萬里長城,要傳遞被入侵嘅消息都係需要有多個烽火台接力報訊,所以單憑驪山上一處烽火,其實並唔能夠令到「天下諸侯進京勤王」。
原圖嚟自網絡