基於歷史關係，响香港就有唔少街名同道路都以外國人個姓去命名，好似軒尼詩道、彌敦道、寶雲道等。咁史友們又知唔知，香港有條路係以南丁格爾所命名呢？
南丁格爾係一位傳奇護士，响1853年克里米亞戰中率領38名護士奔赴戰場救死扶傷，因而被譽為「克里米亞的天使」以及「護士之母」。講返轉頭，香港雖然唔少街道係以外國人命名，但呢啲外國人或多或少都同香港有關，咁南丁格爾又點會成為路名呢？根據地政署解釋，話南丁格爾創建護理專業，係一位世界偉人，由於她佢係中性歷史人物，同任何人或機構無直接關係。此外，呢條路位處醫院內，鄰近護士訓練學校同護士宿舍，所以伊利沙伯醫院方面就建議呢條路命名為南丁格爾路。後嚟地政署經各級諮詢後無收到反對意見，於是就刊憲公布。
而呢條路有一個特別之處，就係護校學生响畢業日前後就會到呢條路打卡拍照留念。
原圖：ha.org.hk