繼續同史友們介紹一啲有趣嘅歷史冷知識，喺清朝末期太平天國運動首領洪秀全喺後世嘅形象可能都唔太正面，但史友們可能都唔知道，其實呢位人物喺兒就曾經被譽為係鄉間嘅神童，甚至仲自信可以考取到功名。但到底發生過咩事令到佢4次科舉都落榜，甚至仲淪為反賊呢？阿史今次就同大家講一講啦！
洪秀全出生喺廣西平民家庭，雖然屋企唔算有錢，但就足以供得起佢去私塾讀書。洪秀全喺兒時就已經能夠通讀四書五經，被認為係鄉間嘅神童，自信可以考取到功名。之不過，直到25歲為止，洪秀全都未考得過童生試，連續四次科舉落榜。當中原因並唔係因為佢唔識答題，由博物館嘅一張洪秀全書法中可見，佢嘅朱砂詔書唔單止排版不公正、字跡錯誤，甚至整體仲好似「鬼畫符」咁，喺一場科舉考試當中自然就唔能夠被接受。
原圖嚟自網絡