上次阿史提及過，明代最重視刑罰，《大明律》更係有重要地位。之不過，朱元璋對管治手下同管治天下一樣咁嚴格，所以除咗《大明律》外，更頒佈咗《明大誥》。
《明大誥》係朱元璋親編嘅刑法，佢响洪武十八年、十九年、二十年連續編制、頒佈了《御製大誥》、《御製大誥續編》、《御製大誥三編》、《御製大誥武臣》，共236條，其中150個條目係懲治貪官污吏。
明朝初年，明太祖認為元朝失敗的原因是朝廷無權威，皇室衰落，導致下層官吏無所顧忌，引發動亂，因此主張以猛治國，刑用重典，類似秦始皇的法家思想，主張對違法人民使用嚴厲懲罰，訂定嚴格的法律。在這種情況下，於洪武十八年（1385年）八月，十九年三月、十一月，二十年十二月，連續編制、頒佈咗《御製大誥》、《御製大誥續編》、《御製大誥三編》、《御製大誥武臣》（後世都會將佢哋歸類為《明大誥》），共236條，其中150個條目是懲治貪官污吏。《明大誥》主要包括三方面嘅內容，包括摘錄咗洪武年間部分刑事案例；結合陳述案例或另列專條頒佈不同於《大明律》嘅重刑法令，用以嚴懲吏民；以及皇帝對吏民嘅訓導。而《明大誥》好多刑罰都係《大明律》無提及，因而成為部分罪行需受甚麼刑罰嘅指標。
有趣嘅係，朱元璋頒布《大誥》後，特地下咗一道旨意：《大誥》每戶一本，家傳人誦。而根據《御製大誥‧須行第七十四》規定，凡家有《大誥》者，犯笞、杖、徒、流之罪減一等；無《大誥》者，加一等；拒不接收者，遷居化外，永不令歸。亦因為咁，當時老百姓家裡都會收藏住《大誥》，萬一出事就拎本書出嚟以能獲得減刑，除咗死刑之外。有本書就可以減刑，呢招的確係最高全民普法工作。
原圖嚟自網絡