嘩嘩嘩，真係估唔到有生之年可以見到有柳公權真跡出土啊！近日陝西省考古研究院就喺一次道路工程期間意外挖到三座唐代嘅墓葬，其中一座竟然係有柳公權真跡，阿史今次就同大家講一講啦！
柳公權係唐朝著名大書法家，後世經常將佢視為書法嘅楷模，並且同顏真卿並稱「顏柳」，有「顏筋柳骨」嘅講法。喺三座發掘到嘅唐代墓葬當中，考古團隊就喺其中一座搵到由柳公權撰文書寫嘅墓誌。呢份墓誌合共就有1769字，內容就係當時71歲嘅柳公權為佢嘅「從父女弟」嚴公貺而寫嘅墓誌銘。據呢塊現存唯一經考古挖掘、由柳公權晚年撰書嘅墓誌，考古團隊就指出呢次發現唔單止補充嚴公貺嘅出生死亡年份、仕宦經歷，完善咗馮翊嚴氏家族譜系，更重要嘅係為研究柳公權嘅書法藝術提供重要資料。
原圖嚟自網絡