【焦點new史】德國考古大發現 巴伐利亞邦挖出「許願井」
繼續同史友們介紹世界各地新奇嘅考古發現,今時今日大家無論喺國內還是國外,大家一見到有噴水池都下意識地會向當中投放硬幣許願,希望自己可以願望成真。咁喺未有噴水池出現之前,古代嘅人又會點做呢?阿史今次就同大家介紹下「許願井」啦!
有考古學家就喺德國巴伐利亞邦展開咗一系列嘅考古發掘,至今已經發掘咗超過70個古井,而喺其中就有一個古井嘅底部充滿各種古代器物,考古團隊就就為呢個古井可能就係「許願井」!要知道喺古代農業社會,水係相當珍貴嘅資源,所以呢啲天然嘅水源好容易就被周邊嘅居民「神聖化」。而喺歐洲嘅民間傳說當中,只要向呢啲古井投放金幣,就會觸發「許願井」嘅功用,所以唔少井嘅底部可能都留在古代嘅珍貴器物。
考古學家喺今儀式沉積物次嘅呢口5公尺深嘅木襯井,就收集到大量嚟自三千年前青銅器時代嘅沉積物包括70個裝飾華麗嘅碗、杯、罐、青銅衣夾、動物牙齒吊墜等等,一般呢類發現就只能夠喺墓葬當中以陪葬品嘅形式出現。亦都係因為呢啲器物完整咁留存喺井底,考古團隊就認為係為咗祈求豐收而作出嘅獻祭,真係估佢唔到!
原圖嚟自網絡