年近歲晚,史友們應該又要為過年做準備。今時今日應該就好少人會响屋企安灶君,不過唔少舊式食肆都仲會有謝灶呢個習俗。
講到謝灶,相信史友都聽過謝灶有「官三民四」呢個講法,傳統上年廿三就係謝灶嘅開始,由官家打頭陣,到年廿四先係平民百姓。而响傳統上,年廿三謝灶嘅祭品通常都會比較豐富,咁原因係乜嘢呢?有講法就話灶君响年廿三尚處於未食飽狀態,如果祭品唔夠多就即係餵唔飽灶君,咁佢上去天庭同玉帝報告時就會亂講嘢。為免呢個情況,所以官家响年廿三謝灶祭品都會特別多同豐富。
不過亦有一個解釋就更加貼緊現實,就係官府人家有權有勢,自然能提供更多祭品去謝灶,而且祭品多先至夠排場唔失禮。
原圖嚟自網絡