尋日就同史友們提到秦始皇兵馬俑再次有新嘅考古成果公佈，考古團隊甚至推測曾經叛變投降嘅秦軍士兵可能受到項羽嘅命令對秦始皇兵馬俑進行偷挖，而其實呢次考古發掘嘅成果唔止得呢樣，阿史就繼續同大家介紹下啦！
考古團隊針對陵園外圍「一號坑」進行挖掘，一號坑嘅建築結構為框架式，相較於廂槨式陪葬坑技術係較為原始，修建時間亦都較早；而喺考古過程中就出土咗200幾件陶俑，唔單止初步釐清秦軍兵馬俑排列規律、明確陶俑製作程序，而且仲首次發現到第一面盾牌。俑坑中第一次發現嘅盾牌就令考古團隊有直接嘅證據確認「特殊俑」的職能，進一步釐清秦軍軍陣排列規律，真係一項突破性嘅發現！
原圖嚟自網絡