以現代科技咁發達嘅情況嚟講,要喺沙漠生存都唔係一件容易嘅事,咁喺古代到底又有冇人會選擇沙漠作為居住地呢?阿史今次就同大家講一講啦!
據近期以色列考古學家喺內蓋夫沙漠展開嘅考古發掘,佢哋就喺當中嘅一處遺跡挖掘到8顆史前鴕鳥蛋。經過研究以及分析,考古團隊就認為鴕鳥蛋至少就有4000到7500年歷史,喺長年被沙漠覆蓋嘅情況下,保存狀況極為良好。
咁鴕鳥蛋又點樣證明到有人類曾經喺沙漠居住過呢?原來發現鴕鳥蛋嘅位置正正就係一個火坑遺跡,呢點就證明有史前人類特意收集並且以此作為糧食,間接亦都證明喺幾千年前有人係可以喺沙漠當中生存。
原圖嚟自網絡