據侵華日軍南京大屠殺遇難同胞紀念館消息表示,南京大屠殺倖存者李美蘭於2023年1月13日晚離世,享年96歲。隨住老人家嘅離世,南京侵華日軍受害者援助協會登記在冊在世嘅倖存者僅存47位。
李美蘭出生喺1937年嘅清涼山,家中有父母、姐姐、兩個弟弟以及一個妹妹。喺佢記憶當中,父親李文煥雖然係一個菜農,但為人相當顧家而且喺鄰居當中相當有威信,一家嘅生活雖然唔算富足,但就相當幸福。喺侵華日軍進城後,連番日軍飛機嘅轟炸就令到佢哋一家轉輾逃到金陵女子大學避難,而父親同陪同外婆守住老宅。
之不過喺1937年,父親李文煥就被日軍捉走並且押到下關江邊用機槍掃射而死,呢件事就係由同行一個逃過射擊嘅人口中得知,而父親嘅屍體最終亦都搵唔返。自此之後,10歲嘅李美蘭失去至親,喺戰亂之時生活得相當艱難。
正因為童年有過咁悲慘嘅經歷,李美蘭一直都希望更多人知道日軍當年犯下嘅罪行!
原圖嚟自網絡