著名武術家、演員于海已於昨日去世,享年81歲。
提起于海呢個名,相信唔少史友都唔會感到陌生。出生喺1942年山東省嘅于海有住豐富嘅武術基礎,早喺12歲之時佢就已經拜咗七星螳螂拳大師林景山為師,並且以16歲之齡參加全國武術比賽,仲以優異成績被山東體校錄取,自此就開啟咗自己嘅武術之路,後來仲成為七星螳螂拳第六代傳人。
關於于海嘅故事並唔單止得武藝,喺1964年後,佢就多次擔任中國武術代表團教練以及隊長,出訪過美國、法國、土耳其等30多個國家,通過武術令世界對中國增加了解、建立友誼;而喺1982年,佢就出演電影《少林寺》、後來又同李連杰合作《少林小子》、《南北少林》、《新少林寺》等影視作品,全部都係為人所熟知嘅影視作品,希望于海老師一路好走!
原圖嚟自網絡