每逢有超級大國對唔同嘅星球進行探索之時,去到登陸呢啲星球嘅一刻,佢哋都會插上一枝自己國家嘅旗幟,而近日我國嘅祝融號火星車原來有項設計係為我國喺火星探索之上寫下歷史!
「祝融號」係天問一號任務火星車,早喺2020年7月23日就發射升空,並喺2021年5月22日到達火星表面開始巡視探測。據央視新聞報道,祝融號喺火星行駛逾1900米之後,其實已經喺火星大地之上寫下咗近四千個「中」字。到底一架火星探索車點樣可以寫到字呢?原來喺祝融號火星車後輪上設計本身就帶有兩個「中」字,呢個設計雖然表面上係為「紀念」呢件事而設計,但實際上研究人員可以根據字同字之間嘅距離去判斷火星車喺火星行駛期間有冇出現打滑嘅情況,真係實用得嚟又有創意!
原圖嚟自網絡