如果講到一座皇城當中最神秘嘅地方，可能唔少史友都會諗起「冷宮」，但喺成座北京故宮當中，就有一個地方公認係比「冷宮」更加神秘，呢個地方就係「雨花閣」喇！
作為明清兩代嘅皇宮，北京故宮嘅宮殿係相當之多，即使嚟到今時今日仍然係唔少歷史學家研究嘅對象。喺呢個世上現存規模最龐大嘅宮殿當中，「雨花閣」唔單止從來都未開放過，甚至歷史學家都唔係成日可以進入得到，咁到底「雨花閣」係一個點樣嘅地方呢？
呢度就有一個問題，就係如果連歷史學家都唔能夠入內，又有咩人會知道當中嘅歷史同故事呢？答案就係溥儀喇！喺1959年溥儀被特赦後，佢就曾經隨同幾位北京植物園嘅同事一同參觀故宮，當時佢就聽到一位歷史學家介紹「雨花閣」之所以係故宮禁地，全因為後世想保護當中嘅佛像同埋珍寶，免受破壞。
聽到呢度，溥儀就真係忍唔住笑，當時溥儀就直言，雖然「雨花閣」確實有唔少珍寶，但以往真正唔開放嘅原因係因為第四層供奉咗三尊雙身佛（歡喜佛），皇帝喺成婚前都會去睇一睇學習男女之事，所以呢度係禁地全因為呢幾尊佛像，真係估佢唔到！
原圖嚟自網絡