世界上已知最長壽人瑞、法國修女安德烈喺睡夢中安詳離世,終年118歲。
安德烈修女原名朗東,出生喺1904年法國南部嘅佢本身係喺一個無神論新教家庭長大,喺青年時期就改信天主教並且喺1944年加入修道院。喺佢75歲退休之前,其實佢仲曾經做過家庭教師以及傳教士。
喺2021年嘅時候,本身已經失明並且行動不便嘅安德烈修女就喺聖凱瑟琳拉布爾療養院不幸感染新冠肺炎,但最終都捱得過治療痊癒,成為最年長新冠倖存者。被問到長壽嘅秘訣,佢就表示自己都唔知道點解,但佢認為「人們說工作能殺人,但對我來說,工作讓我活着,我一直工作到108歲。」
原圖嚟自網絡