繼續同史友們介紹我國最新嘅考古發現,近日據山西省考古研究院發布嘅最新考古成果,當地嘅陽泉高新區發現三處元代紀年壁畫墓,當中所繪畫嘅壁畫可以堪稱係令人歎為觀止,阿史今次就同大家講一講啦!
早前為咗配合陽泉市高新技術產業開發區物流園建設,山西省考古研究院與陽泉市文物管理中心組成聯合考古隊就對當地一塊土地展開考古發掘,結果過程中就搵到 29座古代墓葬,當中更加係有7 座元代墓。最為珍貴嘅係,喺當中有3座磚雕仿木構穹隆頂壁畫墓,分別編號為M6、M11、M15,尤以M15最為完整。
M15墓道呈長方形,底部南高北低,墓室係平面八角形,仿木結構磚室墓,側壁及墓頂均繪製有壁畫及彩畫,由雜劇圖、挑燈圖以至九宮八卦、九星、警句短語,再到穹隆頂嘅日、月、星辰,各種嘅彩繪同埋短語都令人歎為觀止!連埋墓中出土嘅玉壺春瓷瓶、瓷缽、瓷碟隨葬品,唔單止加深大家對元代服飾器用嘅認知,而且仲為研究元代喪葬禮儀提供咗直接嘅證據!
原圖嚟自網絡