嘩嘩嘩,話咁快又有新一批嘅故宮博物院珍寶再喺香港故宮展出喇!香港故宮文化博物館自去年7月起對公眾開放之後,至今為止已經有超過73萬人到訪,適逢新年伊始,故宮博物館宣布向香港故宮博物院借展第三批共85件珍貴文物,到底當中有咩珍寶?阿史今次就帶大家睇一睇啦!
要知道能夠喺香港故宮展出嘅展出,都必定係自故宮博物院嘅珍藏,由於要保護文物,所以部分嘅展品都需要輪換展出。而今次新一批嘅文物唔少都係首次喺香港展出,類型由書畫、陶瓷、服飾再去到工藝品都一應俱全,就好似有是乾隆帝為慶祝母后崇慶皇太后八旬大壽而繪製嘅寫生圖《多祿圖》,用於花朝節祭禮上以祈求耕作豐收嘅「青花十二月花卉圖題詩句杯」等等。
除此之外,喺「紫禁一日:清代宮廷生活」展覽新春相關展品,就有唔少同皇室生活相關嘅環節。阿史之前都同大家提過相傳乾隆帝鍾意打邊爐,曾喺1789年就打超過逾200次邊爐,今次展覽就特意展出景泰藍工藝嘅花卉紋火鍋,仲帶有掐絲琺瑯做裝飾,為大家還原返當時皇室打邊爐嘅情景,真係相當巴閉!史友們如果有時間,都不妨到現場睇一睇!
原圖嚟自網絡