今日係大年三十，虎年咁就到咗最後一日。之前阿史都介紹咗唔過年初一之前嘅習俗，有啲乜嘢應做又有啲乜嘢唔應該做，好喇！咁年三十晚又應該點呢？
答案就係：唔好熄燈，間屋要夠光咁過年。相傳年底時神仙們到上咗天庭報告，所以民間就無神明保護，啲鬼鬼怪怪都會出沒。因此，大年三十一直到正月十五元宵節，每家每戶都要掛紅燈籠。一方面係為咗益壽延年，香火不斷，另一方面就係趕走啲鬼。而响年三十晚，室內都盡量燈火通明，因為通宵開燈就可以趕走窮鬼，未來一年就會順順利利。而呢個通宵唔熄燈，就俗稱為「光年」。
如果係咁，有圖中個款「巴斯光年」燈，就應該會應晒景。
原圖嚟自網絡