兔年即將到來,喺中國傳統文化當中,兔係代表住機敏馴良,乖巧可愛嘅特性,而喺唔少古書古籍當中,兔更加被視為吉祥之物,就好似《瑞應圖》記載就有「赤兔大瑞,白兔中瑞」嘅講法,所以喺古代每逢發現到當時「罕見」嘅白兔,都會獻畀朝廷,顯示君主賢明、海內大治咁話。
而喺十二生肖當中,兔仔就係位列第四,同十二地支當中嘅「卯」配屬,所以又有「卯獸」嘅稱呼。而對應返古代嘅時晨,「卯」其實就即係清晨5時至7時,係一日嘅開始,呢一個時辰亦都寓意住希望嘅到來,所以古人就將兩者互相關聯,將兔仔理解成「希望的到來」喇!咁新一年,阿史就當然希望大家都心想事成,萬事如意啦!
原圖嚟自網絡