繼續同史友們介紹世界各地嘅考古新發現,羅馬鬥獸場嘅歷史一直都係唔少考古、歷史學家關注嘅研究課題,以往就會研究到底鬥獸場本身嘅歷史以及鬥獸競技相關嘅習俗,而近日研究人員就向下水道展開研究,甚至仲搵到當時嘅人會食啲咩零食,阿史今次就同大家講一講啦!
近日就有研究人員對羅馬鬥獸場下水道展開為期一年嘅研究,結果就喺下水道嘅位置搵到1900年前種子以及水果嘅殘骸,由堅果、橄欖、櫻桃、葡萄、無花果等等都一應俱全,甚至喺火爐上仲有一啲肉類以及薄餅嘅痕跡。呢啲發現自然就係反映住當時嘅古羅馬人喺睇緊競技之時,同現代人都係一樣會食零食。
下水道嘅發現當然唔止咁簡單,下水道嘅考古發掘過程中仲搵到熊、獅子、狗等等動物骨骼,原因可能佢哋古代嘅狩獵遊戲中被迫戰鬥或當作獵物,真係一次意想不到嘅發現!
原圖嚟自網絡