尋日就同史友們介紹咗兔仔喺中國古代被視為係「希望的到來」，而今日正正就係兔年嘅第一日，當然就要同史友們介紹多啲同兔仔有關嘅傳統文化啦！
「兔」喺唔少古書古籍當中被視為吉祥之物，除咗會被視為貢品獻畀帝皇之外，「兔」亦都成為中國傳統文化當中一個重要嘅形象。例如喺《淮南子》記載「羿請不死之藥於西王母，姮娥竊以奔月，悵然有喪，無以續之……遂催吳剛伐桂，玉兔搗藥，欲配飛升之藥，重回人間焉」，當中就可見，玉兔嘅身份就係喺西皇母身邊負責搗藥。後來甚至有「金烏西墜、玉兔東升」嘅講法，令到「兔」仲成為月亮嘅代名詞。
除此之外，古人亦都好鍾意兔仔嘅形象，早喺商代開始就會以兔為主題製作器物，喺的安陽殷墟婦好墓中就曾出土有兩件以兔造型為主嘅玉雕作品，直到清代為止，玉兔嘅熱度都係高踞不下，可見玉兔喺中國古代地位相當超然！
原圖嚟自網絡