喺新年期間，據侵華日軍南京大屠殺遇難同胞紀念館23日發布消息表示，南京大屠殺倖存者葛道榮於2023年1月21日去世，享年96歲。隨住呢位老人家離世，亦都表示南京侵華日軍受害者援助協會登記在冊在世倖存者僅剩46位。
葛道榮雖然年事已高，但近年嚟仍然積極出席侵華日軍南京大屠殺遇難同胞紀念館舉辦各種活動，近10年參加近200場宣講，向社會大眾講述南京大屠殺歷史真相。葛道榮同家人喺1937年南京淪陷前就住喺市中心新街口附近，但隨住日軍進城後，佢就同家人入到金陵女子大學嘅難民區避難。之不過，難民區並唔代表係安全，喺幾日內日軍就多次入內捉人，當時年僅十歲嘅葛道榮就被日軍毆打並且以刺刀刺傷右腳。
雖然最後葛道榮可以生存落嚟，但佢嘅叔父葛之燮就被3名日本兵闖入殺害、舅父潘兆祥、舅父王鈞生都係遭到日軍殘忍殺害。正因為有過咁多苦難嘅經歷，葛道榮生前一直告誡子孫後代不能忘記南京大屠殺嘅苦難歷史，甚至仲親生寫咗一本名為《銘記歷史》嘅個人回憶錄，絕對值得大家尊敬。
原圖嚟自網絡