繼續同史友們介紹世界各地嘅考古發現,近日據韓聯社報導,韓國文物研究院就喺濟州島一處高麗王朝時期寺廟遺址當中,竟然發現到中國嘅北宋錢幣以及銅塔。到底呢批文物有咩特點呢?阿史今次就同大家講一講啦!
據了解,今次考古團隊喺去廟遺址當中搵到嘅北宋錢幣一共就有三種,分別係咸平元寶、皇宋通寶以及治平元寶。按照呢批錢幣嘅年代推測,考古團隊就認為寺廟應該就係修建於11世紀初期又或者中葉。除此之後,呢次考古發掘仲發現到一尊「金銅多層小塔」,雖然呢尊小塔就只有成人拳頭咁大,但上面繪有嘅龍頭,窗戶、欄杆等結構保存完整,而呢尊小塔原本嘅作用更加係用作安放舍利子,所以係相當重要嘅發現!
呢次考古發掘,研究人員除咗可以通過錢幣年代推測到寺廟年份外,其實仲可以根據小塔造型還原高麗王朝嘅建築,所以真係一次重大嘅考古發現,而上述物品亦都好大機會指定為文物。
原圖嚟自網絡