沙田一向都以有住唔少壯麗風景以及歷史悠久嘅古蹟而聞名,要一日之內行晒呢啲景點本來就真係有啲難度,但依家大家就有一個新選擇,就係邊踩單車邊睇沙田昔日風貌!
近日馬鞍山民康促進會以及香港生產力促進局就共同開發咗「E導沙田」旅遊語音導覽手機應用程式,喺呢個程式當中就記錄咗超過50個沙田以及馬鞍山嘅景點,並且係有埋單車徑路線導航功能。喺呢個應用程式當中,甚至仲利用埋AR技術、3D模型、VR景點等等嘅技術還原返1960年代沙田面貌、重塑昔日運輸工具,甚至仲還原當時嘅一啲景點,令到市民可以好似親臨其境咁樣感受昔日沙田歷史風貌。
除此之外,呢個應用程式仲可以畀市民利用「軌迹記錄」及攝影功能,將沿途所見景觀上傳至社交媒體分享,真係又可以做運動、又可以打卡仲學埋歷史,一次滿足幾個願望啊!
原圖嚟自網絡