侵華日軍南京大屠殺遇難同胞紀念館近日公布一則消息，南京大屠殺倖存者周湘萍喺日前離世，享年94歲。隨住呢位老人家嘅離世，在冊嘅人數亦都僅存46人。
周湘萍嘅經歷同好多倖存者嘅遭遇都好相似，喺南京淪陷後，佢嘅爸爸就被日本士兵捉走去充當苦力，自此以後就再冇返過屋企，而佢嘅爺爺就喺1937年12月13日出門尋找周湘萍爸爸嘅時候，慘遭日本士兵殺害。呢一日對周湘萍嚟講，就係同時失去咗兩位至親，按佢嘅原話嚟講，就係「我們家一下子没了主心骨」。呢段傷痛嘅回憶陪隨咗老人家嘅一生，即使歲月流逝，傷痛亦都冇因此而減去，但願老人家一路好走，安息！
原圖嚟自網絡