响昔日嘅香港,都有唔少好有特色嘅大宅,好似阿史介過嘅余園、虎豹別墅咁,最近阿史睇返資料,原來北角都曾經存在過一幢好有特色嘅豪華大宅。
呢幢大宅就係繼園,屋主係三十年代廣東地方實力派陳濟棠嘅哥哥陳維周,即是現代香港著名教育家陳樹渠之父。响三十年代陳維周一家從廣州移居至香港,舉家來香港定居後响北角一帶買咗多幅地皮,為咗安頓家人,响 1941年大宅繼園落成。繼園建築風格係中國傳統紅牆綠瓦三進庭院大宅建築,可以話係北角當時最豪華建築。據講,當時陳家超過一百人,居住响繼園以及周邊地區。可惜嘅係,早响上世紀七十年代,繼園被拆卸並改建成私人樓宇。雖然繼園無咗,但繼園街、繼園臺今時今日仲存在,下次史友們若去到昔日繼園一帶,都真係可以講下呢段古。
原圖嚟自網絡